शरद पवार यांचे आवाहन: “मूळ ओबीसींना प्राधान्य द्या!” — कोल्हापूरमध्येही मोठा प्रश्नचिन्ह

अमित गुरव -: मुंबईत यशवंतराव चव्हाण सेंटर येथे राष्ट्रवादी काँग्रेस (शरद पवार गट) ची महत्त्वाची बैठक पार पडली. या बैठकीत पक्षाध्यक्ष शरदचंद्र पवार यांनी स्थानिक स्वराज्य संस्थांच्या आगामी निवडणुकांमध्ये मूळ ओबीसी समाजाला प्राधान्य द्यावे असा स्पष्ट संदेश दिला. ओबीसी आरक्षणाचा मुद्दा संवेदनशील असून मूळ ओबीसींच्या प्रमाणावर उमेदवारी द्यावी, अन्यथा पक्षाच्या भूमिकेला धक्का लागेल, असा पवारांनी इशारा दिल्याची माहिती सूत्रांनी दिली.

बैठकीला सुप्रिया सुळे, शशिकांत शिंदे, विद्यमान आमदार, पदाधिकारी व मुंबई विभागातील समन्वयक उपस्थित होते. या बैठकीत भाजपसोबत कोणत्याही प्रकारची युती करू नका, असा संदेशही पक्षातील वरिष्ठांना देण्यात आला.

     हे सर्व नेते शरद पवार यांच्या निर्देशानुसार खरोखर “मूळ ओबीसी प्राधान्य” धोरणाला १००% साथ देतील का?

जिल्ह्यातील काही ठिकाणी प्रबळ स्थानिक समीकरणे आहेत. त्यामुळे पवार गटातील काही नेते स्थानिक दबावामुळे निर्णय बदलतील का?
हा मोठा प्रश्न आता कोल्हापूरच्या राजकारणातील चर्चेचा केंद्रबिंदू झाला आहे.

काही पत्रकारांच्या मते —

पवारांनी दिलेला संदेश हा केवळ निवडणूक धोरण नसून ओबीसी राजकारणात स्वतःची पकड मजबूत ठेवण्याचा खुला प्रयत्न आहे.

कोल्हापूरमध्ये ओबीसी समाजाचे प्रभावी मतदान आहे. त्यामुळे पवारांच्या या भूमिकेतून जिल्ह्यातील पक्ष संघटनांवर मोठा दबाव येणार आहे.

भाजपसोबत युती नको असा संदेशही महत्त्वाचा आहे, कारण कोल्हापूरमधील काही नेते ‘विकासाच्या नावाखाली’ भाजपकडे झुकण्याचा प्रयत्न करत असल्याचे दिसते.

लिंक मराठीचा प्रश्न — कोल्हापूरच्या नेत्यांनी पवारांची भूमिका मान्य करणार का?

शरद पवार यांनी घेतलेल्या या ठाम भूमिकेनंतर प्रश्न असा—
कोल्हापूर जिल्ह्यातील पवार गटाचे प्रभावी नेते पवारांच्या ओबीसी धोरणाला कितपत प्रामाणिकपणे पाळतील?
की स्थानिक राजकारण बाजूला ठेवून ते “मूळ ओबीसी प्रथम” या आदेशाला प्राधान्य देतील ? कोल्हापूर जिल्हात हसन मुश्रीफ यांना मानणारा खुप मोठा वर्ग आहे. दोन्ही राष्ट्रवादी पक्षाचे नेते त्यांनी अगदी शीताफिने अप्रत्यक्ष रित्या बांधून ठेवले आहेत अशी कुजबुज वरचेवर ऐकायला मिळते. त्यामुळे हा प्रश्न नक्कीच महत्वाचा आहे.

✅ दैनंदिन अपडेट्स हवे आहेत?
मग आजच Link Marathi सोबत जोडून रहा!

📲 WhatsApp Channel (तुमचा नंबर पूर्णपणे सुरक्षित)
👉

https://whatsapp.com/channel/0029VaAEmrk002TEaYoPas0h

▶️ YouTube – ताज्या बातम्या आणि व्हिडिओंसाठी
👉

https://youtube.com/@linkmarathi-news?si=4ycB0yncq6Xs8asH

महत्वाच्या बातम्या, माहितीपूर्ण लेख, आणि दैनंदिन घडामोडी — एकाच ठिकाणी!

अमित गुरव

मुख्यसंपादक