आजारापेक्षा इलाज
खूपच आहे भयंकर
किती पडले आजारी
जाळले किती कलेवर?
दुश्मनाचा केला प्रचार
कोरोना भलताच मोठा
घाबरून सोडले जनता
आता लाटावर लाटा.
पहिली गेली दुसरी चालू
तिसरी येत आहे लाट
पुन्हा दवाखाने भरतील
गोरगरिबांची लागेल वाट.
डोळस राजा भक्त आंधळे
वाह अजब तुझे सरकार
प्रत्येक गोष्टीत राजकारण
चाले रामभरोसे कारभार.
गरिबाच्या हाता नाही काम
पोटाला घेताहेत चिमटे
लॉकडाऊनच्या नावाखाली
कित्येक पोसले भामटे…
इंजेक्शनसाठी धावा धाव
ऑक्सीजन लेवल कमी
लाखोंचे बिल भरून
जगण्याची नाही हमी..
विनंती नका दाऊ भीती
खतरनाक कोरूना आजार
मदत नका करू पण
शब्दांचा तरी द्या आधार..
संकट लाटा येतील
घाबरून नका जाऊ
लढत राहू संकटाशी
एकमेका साथ देऊ..
कवी किसन आटोळे सर
वाहिरा ता.आष्टी जि.बीड
मुख्यसंपादक
