मैत्रीचा आधार… आठवणींतून कृतीत उतरलेली प्रेमभावना!
आज एका अनोख्या मैत्रीचा, एका जीवाभावाच्या माणुसकीचा नम्र आणि हळवा दस्तऐवज तयार झाला…
गडहिंग्लज -: ( अमित गुरव ) – “शिवाजी गेला… पण त्याचं कुटुंब एकटं नाही.” ही भावना केवळ शब्दांत नव्हे, तर अश्रूंनी ओलावलेल्या नात्यांतून, मूकपणे हातावर ठेवलेल्या आधारातून साकार झाली.
न्यू इंग्लिश स्कूल, हेब्बाळ जलदयाळ येथील १९९७ च्या दहावीच्या बॅचचे सर्व वर्गमित्र – आयुष्याच्या वेगवेगळ्या वाटांवर चालत असतानाही, एकेकाळी एका बाकावर बसणाऱ्या आणि एकत्र हसणाऱ्या त्या आठवणींनी आज सजीव रुप घेतलं.
काही दिवसांपूर्वी कै. शिवाजी मारुती नावलगी (धोंगट्टे, ता. हुक्केरी, जि. बेळगाव) यांचे दुर्दैवी रेल्वे अपघातात निधन झाले. शाळेतील त्या हळव्या आठवणींमध्ये एक दुवा कायमचा निघून गेला. त्यांचे वृद्ध वडील, पत्नी, दोन चिमुकले लेकरं… सगळं काही एका क्षणात ढवळून निघालं.
पण हे दुःख जिव्हाळ्याच्या मैत्रीने फक्त ओझं बनू दिलं नाही — ते सामर्थ्य बनलं!
“काहीतरी करायचंच!” या निर्धारातून, देश-विदेशात विखुरलेल्या वर्गमित्रांनी एकत्र येत आठ दिवसांत ₹९०,०००/- इतका निधी गोळा केला. हा निधी केवळ पैशांचा नव्हता — तो त्यांच्या मनाच्या कोपऱ्यात अजूनही जपलेली मैत्री, प्रेम, आणि बांधिलकी यांचा ठेवा होता.
आज श्री महालक्ष्मी मंदिर येथे कै. शिवाजी यांच्या कुटुंबीयांची सांत्वनपर भेट घेऊन, त्या निधीचे मुदत ठेव प्रमाणपत्र (FD) त्यांच्या हाती सोपवण्यात आले. या वेळी गावकरी, वर्गमित्र, मंदिर जीर्णोद्धार समितीचे पदाधिकारी आणि समाजातील अनेक मान्यवर उपस्थित होते.
कुटुंबियांच्या डोळ्यांतून अश्रू थांबत नव्हते… पण त्या अश्रूंना होता आधार — मैत्रीचा!
गावकऱ्यांनी देखील या भावनिक उपक्रमाचे मन:पूर्वक कौतुक केले.
“मैत्री ही अशी जपायची असते… केवळ फोन नंबर जपून नाही, तर दुःखाच्या वेळी हात लावून!” – असे बोल ऐकायला मिळाले.
शिवाजी गेले,
पण मैत्री आजही त्यांच्या घरात उभी आहे.
निव्वळ स्मरणरंजनापुरती नव्हे,
तर कुटुंबासाठी खंबीर पाठिंबा बनून.
आणि म्हणूनच…
“मैत्रीचा अर्थ आठवणीत नव्हे, कृतीत आहे”
…आणि हे अर्थ 1997 च्या बॅचने जगाला शिकवलं!
नावलगी कुटुंबियांच्या कडुन सर्व दानशूर, सच्च्या मैत्रीच्या भावनेने योगदान देणाऱ्या वर्गमित्र-मैत्रिणींना मनःपूर्वक आभार व्यक्त केले.
🟢 दैनंदिन अपडेट्ससाठी खास निमंत्रण!
आपणास महत्वाच्या बातम्या, चालू घडामोडी, स्पर्धा परीक्षेची माहिती आणि इतर उपयोगी अपडेट्स दररोज मिळाव्यात, यासाठी आजच खालीलपैकी कोणत्याही पर्यायामध्ये सामील व्हा:
📌 WhatsApp Group – नियमित अपडेट्ससाठी
📌 Link Marathi WhatsApp Channel – व्यक्तिगत गोपनीयतेसह अपडेट्स मिळवा
(📝 टीप: चॅनेल फॉलो केल्यास तुमचा मोबाईल क्रमांक इतर फॉलोअर्सना दिसत नाही.)
🌐 सदस्य व्हा आणि अपडेटेड रहा – विश्वासार्ह माहितीचा तुमचा स्रोत!
व्हाट्सअप चॅनेल लिंक👇
https://whatsapp.com/channel/0029VaAEmrk002TEaYoPas0h
व्हाट्सअप ग्रुप 👇
https://chat.whatsapp.com/KXy0XT9XJRpChVuADfr21r?mode=r_c
मुख्यसंपादक
