पानवल्या डोळ्यांचा नवस आभाळाला

वर निय आभाय
खाली कायी भुई
असवांचा पाऊस माझ्या
नाचे मोर थुईथुई
रीती नभशाला
पीळ काळजाला
पिंगा घालतो वारा
मलुल शिवारा
पानवल्या डोळ्यांचा
नवस आभाळाला
बाई पांभर नांदवली
वटी नवी ग बांधली
रिमझिम पान्या साठी
माझी पांभर थांबली
सालाची ग पेरणी
कोबं ह्रदयी अंकुरला
धन्याच्या ग डोळ्यातून
थेंब थेंब मिरूग बरसला

                  संतोष पाटील  
              

अमित गुरव

मुख्यसंपादक