आज गावात सगळीकडे रोषनाई होती
दारोदारी माणसाची गर्दी होती
गरीबांच्या घरी पुरणाची पोळी होती
लहानग्यांच्या हातात खाऊची पिशवी होती
तेव्हा समजले आज यांना आपल्या मतदानाची गरज होती
पाच वर्षांपूर्वी उगवलेले आज पुन्हा उगवले होते,
समस्या घेऊन गेल्यावर दुर्लक्ष करणारे आज हात जोडून दरवाजात उभे होते
तेव्हा समजले आज यांना आपल्या मतदानाची गरज होती
गाडीशिवाय न फिरणारे नेते आज
दारोदारी जाऊन लोक विकत घेऊ पाहात होते,
कोणाला लालच देऊन तर कुणाला धमकी देऊन मत विकत घेत होते
तेव्हा समजले आज यांना आपल्या मतदानाची गरज होती
आज सगळ्यांचे मोर्चे ओसाड त्या पाड्याकडे वळले होते
मोठमोठय़ा घोषवाक्यांनी रस्ते दणाणून सोडले हाेते,
खोटी आश्वासने देऊन स्वार्थ साधू पाहत होते,
तेव्हा समजले आज यांना आपल्या मतदानाची गरज होती
कवयित्री- नेहा नितीन संखे
( बोईसर )
समन्वयक – पालघर जिल्हा
