सर्वत्र दिशा अंधारली आहे
चांदणं मात्र शिंपायचे आहे !
खाचखळगे इथे भेटणार आहे
चालणे मात्र चालवायचे आहे !
इथे काट्यांशी संघर्ष जारी आहे
पाऊलांना मात्र सजवायचे आहे !
प्रवास जरुर लांबचा आहे
मंझिलीपाशी मात्र जायचे आहे !
कत्तल फुलांची होत आहे
आयुष्य मात्र फुलवायचे आहे !
जगणे इथे जहरी होत आहे
समृध्द जगणं मात्र जगायचे आहे !
अक्षरच इथे गुलाम होत आहे
साक्षरतेचे बंड मात्र पुकारायचे आहे
हेळसांड इथे नित्याची होत आहे
सावित्रीला मात्र आठवायचे आहे !
जय इथे अज्ञानांचा होत आहे
प्रज्ञेचे नगर मात्र वसवायचे आहे !
प्रत्येक क्षण इथे युध्दखोर होत आहे
ऋणानुबंध मात्र बुध्दाशी जोडायचे आहे !
प्रा. पूनम गायकवाड
B.A(SOC), M.A(SOC), M.S.W, NET, M.PHIL.PH.D.(SCHOLAR)
https://surveyheart.com/form/615fcb6ec182fe215fb90303
महाराष्ट्रात लोकप्रिय होत असल्येल्या Link मराठी पोर्टल मध्ये स्वतःच्या नाव सह आपले लेख- कविता प्रकाशित करण्याची इच्छा असलेल्या लोकांनी फॉर्म भरावा आणि आपल्या लेखन कॉपी-पेस्ट होण्याच्या चिंता दूर करावी. आमची टीम लवकरच संपर्क साधेल.
www.linkmarathi.com
समन्वयक – पालघर जिल्हा
