Homeवैशिष्ट्येभाग १७ वार्षिक अहवालात आवश्यक आर्थिक व्यवहाराची माहिती

भाग १७ वार्षिक अहवालात आवश्यक आर्थिक व्यवहाराची माहिती

भाग १७
वार्षिक अहवालात आवश्यक आर्थिक व्यवहाराची माहिती

सर्व स्वयंसेवी संस्थांनी आपला वार्षिक अहवाल तयार केला पाहिजे. त्यात ठळकपणे खालील गोष्टींचा अंतर्भाव असावा.
संघटनात्मक माहिती
▶️ संस्थेचे नाव, रजिस्ट्रेशनची तारीख व नंबर, रजिस्टर्ड पत्ता, पत्रव्यवहारासाठी पत्ता इ.
▶️ नियामक मंडळावरील सदस्याची नावे, लिंग, पद ( प्रेसिडेंट इ.)
▶️ वर्षाकाठी किती सभा झाल्या व प्रत्येक सभासद त्यापैकी किती सभांना हजर होता.
▶️ ऑडीट करणाऱ्या फर्मचे नाव व पत्ता, तसेच नियामक मंडळातील सदस्यांना कोणत्या प्रकारच्या कामाचा अनुभव किंवा जाणकारी (competency) आहे हि माहिती द्यावी.
▶️ संस्थेचे प्रमुख बँकर्स, कायदेविषयक सल्लागार इ.
▶️ कर्मचारी माहिती (पूर्ण वेळ, अर्धवेळ, स्त्री-पुरुष रेशो, वेतन घेणारे व स्वयंसेवक इ.)
▶️ संघटनात्मक ढांचा (आलेख रूपाने)
▶️ अन्य हितसंबंधी संस्था, त्यांचेशी संबंध इ.
▶️ संस्थाची ऐतिहासिक पार्श्वभूमी-सुरुवात संक्षेपाने मागील इतिहास, प्रगतीचे महत्त्वाचे टप्पे (milestones)

कार्याची माहिती
▶️ संस्थेच्या दृष्टीची झेप (vision), अंगीकृत ध्येय (mission) याची माहिती.
▶️ वर्षभरातील ठळक काम; त्याचे उद्देश समाजाच्या ज्या वर्गासाठी काम करतो आहोत त्याचा उल्लेख; आणि आपण करीत असलेल्या कामाची भौगोलिक व्याप्ती इ.
▶️ वर्षभरातील केलेल्या कामाचा आढावा (review) त्याचे यशापयश सत्यासत्यता पडताळून पाहता येतील असे आकडे, वस्तुस्थिती इ. स्थानिक पातळीवरील राज्य व क्षेत्रीय पातळीवरील पार पडलेली कामे, राष्ट्रीय व आंतराष्ट्रीय स्तरावरील कामे इ.
▶️ संस्थेमार्फत अंतर्गत स्वरूपाचे, किंवा बाहेरील यंत्रणेमार्फत होत असलेल्या कामाचे, किंवा एकूणच संस्थेचे मूल्यमापन केले असल्यास ती माहिती.
▶️ भावी काळासाठी योजलेल्या काही कृती योजना.

आर्थिक व्यवहारांची माहिती
▶️ वार्षिक अहवालांत लेखा परीक्षकांकडून आलेली सर्व विवरणपत्रे, परिशिष्ट घातली जावीत किंवा ती पाहण्यासाठी कोणी विनंती केली तर ती विनामुल्य किंवा काही फी वसूल करून द्यावीत.
▶️ वार्षिक अहवालांत आर्थिक विवरणपत्रे जशीच्या तशी घालणे जमणार नसेल तर बॅलन्स शीट व इनकम ॲन्ड एक्सपेंडिचर अकाउंट संक्षेपाने द्यावेत, हिशोब ठेवण्यासाठी पद्धत, म्हणजे कॅश बेसिस का अॅक्रूअल बेसिस, याचा खुलासा असावा, तसेच अगोदरच्या वर्षाचे आंकडेही अहवालात यावेत.
▶️ आर्थिक वर्ष संपून आठ महिने पुरे होण्यापूर्वी त्या वर्षाचा अहवाल यावा. खरे तर तो बराच अगोदर हाती यावा.
▶️ आर्थिक व्यवहार सभासदांना नीटपणे कळणे आवश्यक आहे. त्यासाठी आय-व्यय जे आकडे दाखविले जातात, तिथेच बाजूला (कंसात त्यांची टक्केवारी (परसेंटेज)) द्यावे.
▶️ आर्थिक आघाडीवरील ठळक ठळक गोष्टी या परत एकदा अहवालात याव्यात त्यासाठी पार पाडलेली महत्वाची कामे अशासारख्या मथळा असावा.
▶️ वार्षिक अहवालात देणगीदारांना मदतीसाठी आवाहन असावे; त्यांना संस्थेला भेट द्यावी अशी विनंती असावी; कशासाठी मदत हवी आहे हे पण नमूद केलेले असावे.

काही अन्य माहिती
▶️ वार्षिक अहवालात खालील विषयांवर थोडक्यात टिप्पणीरूपाने माहिती असावी.
▶️ नियामक मंडळाचे सभासद/ विश्वस्त यांना वेतनापोटी व त्यांनी केलेल्या खर्चाचा परतावा या पोटी एकूण रक्कम किती देण्यात आली ती स्वतंत्रपणे नमूद करावे.
▶️ संस्थेचे प्रमुख अधिकारी, डायरेक्टर यांना दिले गेलेले वेतन व अन्य फायदे याचे विवरण हवे तसेच वेगवेगळ्या वेतन श्रेणीप्रमाणे किती कर्मचारी आहेत ती माहिती पण दिलेली असावी.
▶️ कर्मचाऱ्यापैकी तीन सर्वात जास्त एकत्रित वेतन घेणारे व तीन सर्वात कमी एकत्रित वेतन घेणारे यांची माहिती द्यावी.

प्रवास
▶️ देशामध्ये किंवा परदेशात विमान प्रवासावर झालेला एकूण खर्च द्यावा. यांत सर्व पातळीवरील व्यक्ती व स्वयंसेवक यांना धरून माहिती दिलेली असावी.
▶️ परदेशी केलेल्या प्रवासाबद्दल आणखी माहिती म्हणजे व्यक्तीचे नाव, प्रवासाचे कारण, त्यासाठी अन्य कुठून पैसा मिळाला का, इत्यादीची माहिती द्यावी. ••••••••••••••••••••••••••••••••••••••••••••••••••
माहिती संकलन:-युवराज येडूरे,अध्यक्ष:महा एनजीओ डेव्हलपमेंट असोसिएशन भारत ••••••••••••••••••••••••••••••••••••••••••••••••••

अमित गुरव
अमित गुरव
मुख्यसंपादक
RELATED ARTICLES
- Advertisment -spot_img

Most Popular