इच्छाशक्ती

इच्छा तेथे मार्ग दिसे
ध्यानी असू द्यावी म्हण
कर्म करावे चांगले
ठेवा तुम्ही स्वच्छ मन..१
आरोग्यही उत्तम राखी
इच्छा मनाची प्रबळ
संकटाला दूर सारी
जगण्यास देई बळ…२
इच्छाशक्ती हवी मोठी
हिमालय करी सर
ऊर्जा जागवी मनात
गाठी यशाचे शिखर…३
उभे राहिले स्वराज्य
राजे झाले छत्रपती
इच्छाशक्ती ज्यांची मोठी
कीर्ती होईल जगती…४
स्वप्न देखी स्वातंत्र्याचे
इच्छाशक्तीला वंदन
हाकलुनी दिले गोरे
देशभक्तांना नमन…५
जरी येतील आव्हाने
खचू देऊ नये मन
इच्छा लोककल्याणाची
जीवनाचे होते सोनं….६

• कवी :किसन आटोळे
  ( वाहिरा ता आष्टी )

अमित गुरव

मुख्यसंपादक